ဥပုသ်စောင့်ရခြင်း၏ ရည်ရွယ်ချက်

Written by Dhammaduta Thursday, 18 March 2010 05:04 ဗုဒ္ဓသာသနာဝင်လောက၌ သာသနာရေးနှင့် ပတ်သက်၍ ဗုဒ္ဓသာသနာဝင် ကလေးငယ်များအတွက် သာသနာရေးသင်တန်းကျောင်း သီးခြား မရှိခြင်းသည် ဗုဒ္ဓသာသနာအတွက် ဟာကွက်ကြီးတစ်ခု ဖြစ်နေပါသည်။ ယင်းဟာကွက်ကို အဘယ်သို့ ပိတ်ဆို့ဖာထေးကြပါမည်နည်း။ ယင်းဟာကွက်သည် သာမန်ဟာကွက် မဟုတ်ပါ။ ကြီးကျယ်လှသော ဟာကွက်ကြီးပါ။ ဗုဒ္ဓသာသနာဝင်အများစုကလည်း ကျောင်းကန်ဘုရား သွားသည့်အခါ ကလေးများကို ခေါ်သွားလေ့မရှိကြပါ။ ယင်းသည်လည်း ဟာကွက်ကြီးတစ်ခုပင် ဖြစ်ပါသည်။ ယင်းဟာကွက်တွေကြောင့် ဗုဒ္ဓသာသနာဝင်ကလေးများသည် ငယ်စဉ်က သာသနာရေးနှင့် ပတ်သက်သည့် ဒါန၊ သီလ၊ ဘာဝနာ လုပ်ငန်းများအကြောင်း မသိရှိ နားမလည်ခဲ့ကြပါ။ ယင်းသို့ ကျောင်းနေချိန်၌လည်း နားမလည်၊ ကျောင်းမှထွက် သို့မဟုတ် ကောလိပ်တက်ချိန်၌လည်း နားမလည်၊ အိမ်ထောင်ကျချိန်၌လည်း နားမလည်၊ ဤသို့ဖြင့် သေသွားသူလည်း အများကြီးပင်။ ယင်းအကြားမှ သိချင်သူများက သိအောင် ကြံဆောင်လေ့လာပါမှ သိနိုင်ပါသည်။ သိချင်သူတစ်ယောက်က ဤသို့ စာရေးလျှောက်ထားလာပါသည်။ ဆရာတော်ဘုရား.. တပည့်တော် ရိုသေစွာ မေးမြန်းလျှောက်ထားအပ်ပါသည်ဘုရား၊ လူပုဂ္ဂိုလ်တို့ ခံယူဆောက်တည်အပ်သော ရှစ်ပါးသီလတွင် ပါဝင်သည့် နောက်ဆုံးသုံးပါး၏ အဓိပ္ပာယ်ကို အကျယ်တ၀င့် သိလိုပါသည်ဘုရား။ မိရိုးဖလာ လက်ခံထားသော ယေဘုယျ အဓိပ္ပာယ်များကို သိရှိပါသော်လည်း အချို့နေရာများတွင် အကြောင်းအကျိုးမသိဘဲ မရှင်းလင်းသည့်အချက်များ ရှိနေပါသည်ဘုရား၊ ဥပမာအားဖြင့်- (၁) ရှစ်ပါးသီလ ယူထားသူသည် ထန်းလျက်၊ ချိုချဉ် စသည်တို့ကို မွန်းလွဲညစာအဖြစ် သုံးဆောင်ရန် သင့် မသင့်၊ (၂) ရှစ်ပါးသီလ ယူထားသူသည် ခုတင်၊ ဆိုဖာ၊ မွေ့ရာတို့ပေါ်တွင် အသုံးပြုနေထိုင်ခွင့် ရှိ မရှိ၊ (၃) ရှစ်ပါးသီလ ယူထားသူသည် စီးပွားဥစ္စာအလို့ငှာ ဈေးရောင်းဈေးဝယ်၊ ရုံးလုပ်ငန်း လုပ်နိုင်ခွင့် ရှိ မရှိ၊ (၄) ရှစ်ပါးသီလ ယူထားသူသည် လောကီဆိုင်ရာ အတွေးအခေါ် စာပေ ဘာသာရပ် အတတ်ပညာတို့ကိုသင်ယူခွင့်၊ ဆွေးနွေးခွင့်၊ ဟောပြောခွင့် ရှိ မရှိ စသည့် အချက်များ ဖြစ်ပါသည်။ ထို့ပြင် “ ရှစ်ပါးသီလ ဆောက်တည်ရခြင်း၏ ရည်ရွယ်ချက် အကျိုးတရားတို့ကိုလည်း သိရှိလိုပါသည်ဘုရား၊ ဆရာတော်ဘုရား သင့်တော်သည့် အချိန်၊ သင့်တော်သည့်နေရာတွင် ဖြေပေးစေလိုပါသည်ဘုရာ၊ ပြည့်စုံစွာ ဖြေဆိုပြီး ရေးသားပြီး ရှိပါကလည်း တပည့်တော်ကို  ညွှန်ပြပေးပါရန် လျှောက်ထားအပ်ပါသည်ဘုရား” .. ဟူ၍ ဖြစ်ပါသည်။ (၇-၁၁-၉၄) နေ့က မော်လမြိုင်တက္ကသိုလ်၌ တရားဟောအပြီး မောင်ဟန်ထွန်းခိုင် မေးလျှောက်သော အမေးဖြစ်၏ ။ မောင်ဟန်ထွန်းခိုင်ရဲ့ အမေးကို ငါးသိုင်းချောင်းရောက်မှပဲ ဖြေနိုင်ပါတယ်။ အမေးက စုံတော့ ခြုံငုံပြီး စုံအောင် ဖြေပါမယ်။ အမေးအစဉ်တိုင်းတော့ ကျချင်မှ ကျပါမယ်၊ အဖြေကတော့ စုံအောင် ဖြေပါမယ်။ ဦးစွာ ပထမ ဥပုသ်အဓိပ္ပာယ်ကစပြီး ရှင်းပါမယ်။ “ဥပုသ်” ဟူသော စကားသည် “ဥပေါသထံ” ဟူသော ပါဠိမှ ဆင်းသက်လာသော ပါဠိသက်ဝေါဟာရစကားဖြစ်ပါသည်။ ယင်း ဥပေါသထဟူသော ပါဠိကို ပုဒ်ခွဲသော် “ဥပ+၀သထ” ဟု ခွဲရပါသည်။ အဓိပ္ပာယ်ဖွင့်သော် “ဥပ” ညစာမစားခြင်း၊ သူ့အသက် မသတ်ခြင်း စသော အကျင့်ကောင်းနှင့် ပြည့်စုံ၍ “ ၀သထ” နေခြင်းဟု ဖွင့်ဆိုရပါသည်။ ညစာမစားခြင်း၊ သူ့အသက် မသတ်ခြင်းစသော အင်္ဂါရှစ်ပါးနှင့် ပြည့်စုံသော သီလကို ခံယူဆောက်တည်၍ ဘုရားဂုဏ်တော်၊ တရားဂုဏ်တော် စသော အာရုံများကို အာရုံပြုကာ ဘာဝနာပွားလျက် အကုသိုလ်စိတ်များ မဖြစ်စေဘဲ မိမိစိတ်စင်ကြယ်အောင် စောင့်စည်းနေထိုင်မှုကို “ဥပုသ်စောင့်သည်” ဟု ခေါ်ပါသည်။ သို့ဖြစ်၍ မနက်ဖြန် ဥပုသ်စောင့်မည်ဟု ကြံစည်သူသည် ဥပုသ်စောင့်သည့်အခိုက်တွင် အိမ်မှုကိစ္စတို့ကို ရွက်ဆောင်ခြင်းငှာ မလျော်သောကြောင့် ယနေ့အခါကပင် အိမ်မှုကိစ္စများကို တာဝန်ရှိသမျှ ပြီးစီးအောင် စီမံထားသင့်ပါသည်။ ချက်ပြုတ်ကျွေးမွေးမည့်သူ အဆင်သင့်ရှိလျှင် နက်ဖြန် မိမိစားဖို့အတွင် ပြောပြစီစဉ်ထားသင့်ပါသည်။ ဥပုသ်စောင့်မည့်နေ့၌ ခါတိုင်းထက်ပိုပြီး ကောင်းကောင်းစားဖို့တော့ မစီမံသင့်ပါ။ ချက်ပြုတ်ကျွေးမွေးမည့်သူ မရှိလျှင် ဥပုသ်နေ့ကိစ္စနည်းအောင် ပြီးစီးကောင်းတဲ့ စားဖွယ်များကို စီမံပြီး ဥပုသ်နေ့ အရုဏ်တက်ချိန်ကပင် စင်ကြယ်အောင် ကိုယ်လက်သုတ်သင်၍ စိတ်ကြည်လင်ရုံမျှ သန့်ရှင်းတဲ့အ၀တ်ကို ၀တ်ဆင်ရပါမည်။ ပန်းနံ့သာ လိမ်းကျံမှု၊ အထူးတလည် ပြင်ဆင်မှု မပြုလုပ်ဘဲ ခပ်စောစော သီလဆောက်တည်ပြီး မိမိတစ်ကိုယ်တည်းနေ၍ (သို့မဟုတ်) အဖော်နှင့် နေသင့်သူဖြစ်က သဘောတူ အဖော်နှင့်တကွ တရားနှလုံး ကျင့်သုံး၍လည်းကောင်း နေထိုင်ရပါ၏ ။ သို့မဟုတ် တရားစာပေများကိုမူလည်း ဖတ်ရှု၍ နေထိုင်ရပါ၏ ။ သို့မဟုတ် ဘုရားဟော ဓမ္မက္ခန်ကျကျ ဟောပြောမည့် ပုဂ္ဂိုလ်ရှိလျှင်လည်း တရားနာနေသင့်ပါ၏ သို့မဟုတ် အချင်းချင်းလည်း တရားစကား ပြောဆိုဆွေးနွေး မေးမြန်းစုံစမ်း နေရပါ၏ ။ ညဥ့်အချိန်သို့ ရောက်သောအခါ မိမိ၏ သီလကို ပြန်၍ ဆင်ခြင်ပြီးလျှင် အရိယာသူတော်ကောင်း၊ ရဟန္တာအပေါင်းနှင့် ယနေ့အတွက် မိမိမှာ တူပုံကို အောက်မေ့နေရပါ၏ ။ နံနက် အရုဏ်တက်၌ မိမိရည်မှန်းထားသော အချိန်စေ့သောအခါ အလိုအလျောက် ရှစ်ပါးသီလမရှိတော့ဘဲ ငါးပါးသီလသာ ကျန်ရစ်ပါတော့သည်။ ယခုခေတ် အချို့အရပ်ဒေသများကဲ့သို့ ဥပုသ်သီလကိုချကာ ငါးပါးသီလကို ထပ်ယူဖွယ်မလိုပါ။ မှန်ပါသည်။ ဥပုသ်သီလသည် အချိန်ကာလပိုင်းခြား၍ စောင့်အပ်သော ဥပုသ်သီလ၊ အသက်ထက်ဆုံး စောင့်အပ်သော ဥပုသ်သီလ ဟူ၍ နှစ်မျိုးရှိရာ ယခုခေတ် အများစောင့်သုံးသော ဥပုသ်သီလသည် အချိန်ကာလပိုင်းခြား၍ စောင့်သုံးသော ဥပုသ်သီလသာဖြစ်၍ အချိန်စေ့က ကျသွားပါသည်။ ချဖွယ်မလိုပါ။ ယခုခေတ်ကာလ သီလဆောက်တည်သလို သီလဆောက်တည်တုန်းက တစ်ပါးစီခွဲ၍ ပါဏာတိပါတာ စသည်ဖြင့် ဆောက်တည်ကြသောကြောင့် ရှစ်ပါးသီလတွင် တစ်ပါးပျက်က တစ်ပါးပဲ အကျိုးမရပါ။ ကျန် ခုနစ်ပါးအတွက် အကျိုးရှိပါသေးသည်။ ယခုပြခဲ့သော အစီအစဉ်အတိုင်း ကျနစွာ စောင့်သုံးအပ်သော ဥပုသ်သီလ၏ အကျိုးမှာ ဇမ္ဗူဒိပ်တစ်ကျွန်းလုံးကို အုပ်စိုးရသော မင်း၊ မိဖုရား အဖြစ်မျိုးထက် ကြီးကျယ်ခမ်းနားသည်ဟု ဘုရားရှင် ဟောပါသည်။ မှန်ပါသည်။ မင်း၊ မိဖုရား အဖြစ်ဖြင့် ဇမ္ဗူဒိပ်ကျွန်းကို အုပ်စိုးရခြင်းမှာ လူ့စည်းစိမ်မျှသာဖြစ်၍ နတ်စည်းစိမ်ကို ထောက်လျှင်  အောက်ကျနောက်ကျ သေးနုပ်လှပါသေးသည်။ ထိုစည်းစိမ်လည်း တစ်ဘ၀သာ ဖြစ်ပါ၏ ။ ကျနစွာ စောင့်အပ်သော ဥပုသ်သီလ၏ အကျိုးကား လူမင်း နတ်မင်းစည်းစိမ် အကြိမ်အများပင် ရနိုင်ပါသည်။ ဥပုသ်စောင့်ရာ ရှစ်ပါးသီလ ခံယူပြီးရုံမျှဖြင့် အကျိုးများသင့်သလောက် မများသေးပါ။ သီလခံယူဆောက်တည်ပြီးနောက် မိမိစိတ်ကို စင်ကြယ်သန့်ရှင်းနေအောင် အားထုတ်နိုင်မှသာ အကျိုးများပါသည်။ ဥပမာဆိုသော် ဦးခေါင်းကို တန်ဆာဆင်လိုသော အမျိုးသမီးသည် ဆံပင်ကို စင်ကြယ်အောင် ခေါင်းလျှော်ရ၏ ။ ခေါင်းမလျှော်ဘဲ ဖီးလိမ်းပြင်ဆင်လျှင် အနံ့မကောင်းသကဲ့သို့ သီလတန်ဆာဖြင့် ဆင်ထားသူသည်လည်း မိမိ၏စိတ်ကို လောဘ၊ ဒေါသ စသော ကိလေသာအညစ်အကြေးတို့မှ စင်ကြယ်အောင် စောင့်သုံးနိုင်မှသာ ရသင့်သမျှ အကျိုးများကို အပြည့်အစုံ ရနိုင်ပါသည်။ ဥပုသ်သီလ ယူထားသောသူသည် ဈေးရောင်း ဈေးဝယ် ရုံးလုပ်ငန်းများ လုပ်နိုင်ခွင့်ရှိပါသည်။ သီလမပျက်အောင် လုပ်ပါ။ သီလအကျိုးတော့ ဆိုသလို အပြည့်အ၀ မရနိုင်ပါ။ လောကီဆိုင်ရာ အတွေးအခေါ်၊ စာပေ၊ ဘာသာရပ် အတတ်ပညာတို့ကို သင်ယူခွင့်၊ ဆွေးနွေးခွင့်၊ ဟောပြောခွင့် ရှိပါသည်။ သီလမပျက်အောင်ပြုပါ။ ရှစ်ပါးသီလတွင် ပါဝင်သည့် နောက်ဆုံးသိက္ခာပုဒ်သုံးပါးမှာ အဗြဟ္မစရိယ သိက္ခာပုဒ်လုံခြုံရေးအတွက် အခြံအရံတွေဖြစ်ပါတယ်။ မှန်ပါတယ်။ ငါးပါးသီလ ဆောက်တည်သူသည် ဇနီးမောင်နှံအချင်းချင်း ပေါင်းသင်းဆက်ဆံခွင့် ရပါသည်။ ရှစ်ပါးသီလ စောင့်သူသည် ဇနီးမောင်နှံအချင်းချင်း ဆက်ဆံမှုကိုပါ ရှောင်ကြဉ်ရပါသည်။ ညစာမစားခြင်းအတွက် ကိစ္စနည်းလျှင် တရားအာရုံပြုဖို့ရန် အချိန်များစွာ ရစေခြင်း၊ လောကီအာရုံ ကာမဂုဏ်သို့ စိတ်မ၀င်စားအောင် ချုပ်တီးထားပြီးသားဖြစ်ခြင်း အကျိုး ရှိပါသည်။ ကောင်းမွန်သော ညစာများကို စားသောက်၍ ပျော်ပါးကြပါသည်။ ညစာစားမှုသည် လောကီအာရုံ ကာမဂုဏ်ဘက်ကိုသာ စိတ်ညွှတ်စေရကား အဗြဟ္မစရိယာ သိက္ခာပုဒ်ကို ထိခိုက်နိုင်ပါသည်။ သို့ဖြစ်၍ ညစာရှောင်မှုသည် ကိစ္စနည်း၍ တရားအာရုံပြုချိန် များစွာရခြင်း၊ လောကီအာရုံ ကာမဂုဏ်ဘက်သို့ စိတ်မ၀င်စားရအောင် ချုပ်တီးပြီးသား ဖြစ်ခြင်း အကျိုးကို ရစေနိုင်သည်ဟု မှတ်ပါ။ ကခြင်း၊ သီဆိုခြင်း၊ တီးမှုတ်ခြင်းများကို ကြည့်ရှုနားထောင်တဲ့အခါ မိမိစိတ်ကို စဉ်းစားကြည့်ပါ။ (ကာမစိတ်ကို တိုးပွားစေ၊ မတိုးပွားစေ)။ ပန်း၊ နံ့သာပေါင်းတွေနှင့် ဖြီးလိမ်းပြင်ဆင်တဲ့အခါမှာလည်း သတိပြုပါ။ (ကာမဂုဏ် အာရုံစိတ်တွေ နိုးကြွစေ၊ မကြွစေ)။ အမှန်က နစ္စ ဂီတ သိက္ခာပုဒ်သည် အထူးသဖြင့် ရာဂနိုးကြွစေမှုကို တားမြစ်ချက် ဖြစ်ပါသည်။ ဥစ္စာသယန သိက္ခာပုဒ်အရ အခြေတစ်ထောင့်ထွာထက်ရှည်သော အိပ်ရာ၊ ခုတင်၊ ကုလားထိုင် စသည်များကို ဆိုလိုပါတယ်။ ရိုးရိုးအိပ်နေကျ တစ်ထောင့်ထွာထက် မမြင့်သော အိပ်ရာ ခုတင်များကို မဆိုလိုပါ။ မြတ်သော နေရာဟူသည် စည်းစိမ်အားလျော်စွာ ခံစား စံစားလေ့ရှိကြသော အတွေ့အထိကောင်းသော လက်လေးသစ်မက အမွေးရှည်သော သားမွေးအခင်း၊ ခြင်္သေ့၊ သစ်၊ ကျား အရုပ်များဖြင့် ခမ်းနားဆန်းကြယ်အောင် ပြုလုပ်ထားသော သားမွေးအခင်း၊ ရွှေချည်ငွေချည်တို့ဖြင့် ချုပ်လုပ်ထားသော ပိုးဖဲအခင်း၊ လဲ ၀ါဂွမ်း သွတ်ထားသော မွေ့ရာမျိုးကို ဆိုလိုပါသည်။ မသုံးစွဲသင့်ပါ။ အုန်းဆံမွေ့ ရာ၊ အ၀တ်အစား၊ ပိုးချည်သဘောပါသော မွေ့ ရာမျိုးကို သုံးဆောင်နိုင်ပါသည်။ အချုပ်ပြောရသော် ဥပုသ်စောင့်ရာ၌ “ အဗြဟ္မစရိယ၊ ၀ိကာလဘောဇန၊ နစ္စ ဂီတ၊ ဥစ္စာသယန” သိက္ခာပုဒ်(၄)ပုဒ်ကို စောင့်သောအခါ မဖြစ်အောင်ထိန်းရမည့် အကုသိုလ်စိတ်များ ပေါ်လာတတ်ပါသည်။ ထိုစိတ်များကား ကာမဂုဏ်စိတ်၊ ကိလေသာစိတ်များပင် ဖြစ်ပါသည်။ ထင်ရှားအောင်ပြရပါလျှင် ခမ်းနားသောအိပ်ရာ နေရာ၌ အိပ်စက်နေထိုင်ခြင်း၊ ဖြီးလိမ်းပြင်ဆင်ခြင်း၊ သီဆို ကပြ တီးမှုတ်ခြင်း၊ ညစာစားခြင်းတို့သည် ကိလေသာစိတ်ကို သွေးဆောင်ခေါ်ယူသော အပြုအမူများ ဖြစ်ပါသည်။ ထို့ကြောင့် ထိုကိလေသာစိတ်၊ ကာမစိတ်တို့ကို ပိတ်ဆို့ဖို့ရာ နောက်ဆုံးသိက္ခာပုဒ်ကို ဆောက်တည်ရသည်ဟု မှတ်ပါ။ မဖျားနာသောသူကား ထန်းလျက်ကို အရည်ကျိုသောက်ရပါတယ်။ ဖျားနာသူသာ အလုံးလိုက် စားကောင်း၍ ဥပုသ်သည်များ ထန်းလျက်၊ ချိုချဉ် အလုံးလိုက် မစားကောင်းပါ။ ရေဖျော်ပြီး အဖတ်မပါအောင် စစ်သောက်ပါ။ အဖတ်မပါသော မန်ကျည်းဖျော်ရည် စသော အဖျော်ရည်များ အဲသည်လိုပဲမှတ်ပါ။ အဓိပ္ပာယ်က ကျယ်ဝန်းတော့ ဤမျှနှင့်ပဲ နိဂုံးချုပ်ပါရစေတော့။ အားလုံးသန္တာန်၊ အမြင်မှန်၊ လျင်မြန်ရစေသော်......... http://dhammadutaonline.com/   မှကူးယူဝေမျှပါသည်..။ --မနုငယ်